Двое дзяцей пацярпелі падчас сутыкнення двух легкавікоў у Бабруйску

27 сакавiка 2024 у 1711546080
«Зеркало»

Двое дзяцей атрымалі траўмы ў аварыі, якая адбылася днём 27 сакавіка ў Бабруйску, паведамілі ва УУС Магілёўскага аблвыканкама.

Супрацоўнікі ДАІ высветлілі, што на скрыжаванні вуліц Магілёўская і Рагачоўская адбылося сутыкненне аўтамабіляў Geely і ВАЗ. У выніку ДТЗ трохгадовы і 14-гадовы пасажыры ВАЗ атрымалі цялесныя пашкоджанні і былі шпіталізаваныя.

У ДАІ адзначылі, што дзеці знаходзіліся на заднім сядзенні аўтамабіля. Яны не былі прышпіленыя, бо ВАЗ не абсталяваны заднімі рамянямі бяспекі.

Прычыны і абставіны аварыі высвятляюцца.